Poslovne vesti - Makedonija

Четири врвни вина на "Тиквеш" одат за САД

Вината на "Тиквеш" ќе ги пијат и Американците.

Винарската визба "Тиквеш" потпиша договор за извоз на четирите врвни вина: Бела Водаа, Баровоо, Ркацители спешл селекшнн и Вранец спешл селекшнн во САД, каде што и досега се извезуваше македонско вино, но беше наменето само за македонската дијаспора.

Овие четири вина ќе се служат во хотели, ресторани и кафулиња во поголемите градови на источниот и на западниот брег на САД.

- Колку што е ова успех на Тиквеш", толку е и успех и на винската индустрија, како и на македонската економија. Нашите вина се пробиваат на еден од најпребирливите и најконкурентните пазари во светот - вели главниот извршен директор на компанијата, Игор Илиевски.

Пласманот на вината на американскиот пазар "Тиквеш" ќе го врши преку увозникот на врвни вина во САД "Јуропијан селерс", специјализиран за најквалитетните вина од посебни региони во Шпанија и Франција. За оваа година Тиквешш планира да извезе седум контејнери, односно 60.000 шишиња од овие вина, вредни вкупно 260.000 долари. Малопродажната цена на шише од спешл селекшн вината во САД ќе се движи меѓу 10 и 15 долари, додека Баровоо и Бела Вода" ќе надминат 21 долар. За 2013 и 2014 година е планирано зголемување на извозот.

Од производството на Тиквешш 60 отсто оди за извоз во поранешните југословенски републики, во земјите на ЕУ, а сега и во САД. Според Илиевски во последно време се работи на пласман на вината и на рускиот и кинескиот пазар. На тие пазари за почеток е планиран извоз на поевтините вина, но не се исклучени ни високо квалитетните за кои веќе има интерес. Годинава се очекуваат за околу 26 проценти зголемени приходи од извоз, а на домашниот пазар очекуван е приход поголем за пет проценти. Илиевски вели дека залихите на вино во Тиквешш сега се во нормалните граници.